Introducion Richelle Stuut-Kock

Mi nomber ta Richelle Stuut-Kock. For di jong semper mi tabata interesa den mantencion di
cutis y cabey.
Door cu un cutis saludabel y cuida semper a ponemi sinti bon y verzorgd. Despues di a traha
un paar di anja na Aruba mi a dicidi di sigi mi sonjo y pasion den e ramo aki.
Mi a tuma e paso pa hasi e estudio di Schoonheidsspecialiste na Groningen, Hulanda. Esaki
mi a completa cu exito na anja 2001.
Despues di a haya mi diploma mi tabatin e posibilidad di por forma parti di e salon mas
renombra na Groningen, Hulanda.
Aki nos tabata traha cu e productonan di halta calidad y na unda tambe nos por a asisti e
cirujano plastico.
Na e instituto aki mi a haya hopi experiencia con pa trata diferente tipo di persona, cada un
cu nan mesun karakter y exigencianan, cual sigur a judami logra obtene confianza di mi
clientenan.

Na fin di anja 2004 hunto cu mi casa Patrick Stuut, nos a dicidi di bin Aruba cu vakantie.
Eynan ta na unda e sonjo a nace pa bolbe bek Aruba y  habri mi mesun salon, cu e deseo pa
juda mehora e cutis y alaves educa nos hendenan con pa cuide.
1 Oktober 2005 Richelle Beauty Vision a bira un realidad!
Treciendo Aruba e linja renombra di 2B BioBeauty, cual producto mi a traha cu ne caba na
Hulanda a duna nos hendenan cu ta cana diariamente cu mancha, cicatriz, acne, cara vet,
linjanan di expresion un alivio y siguranza cu sigur tin producto a base natural cu ta 100%
efectivo!
2B BioBeauty ta un linja produci na Belgica, 100% natural, traha di matanan y mineralnan di
lama.
Na anja 2008 nos a introduci un otro linja hopi extenso di halta calidad, Janssen
Cosmeceutical.
Un linja produci na Alemania, cu ta wordo distribui na mas cu 60 pais rond mundo.
Akinan ta unda representantenan di tur dos producto a ofrece nos distribucion exclusivo na
islanan ABC pa representa e linjanan.

Na anja 2006 nos a haya e bendicion di mas grandi, nos prome jui!
Un salon cu tabata crese hopi lihe cu un clientela hopi satisfecho pa cu e producto y trato
ricibi. Y tambe e distribucion di nos linjanan na islanan ABC,  a pone cu nos bida a cambia
drasticamente!
Cu tur e ‘drukte’ y tiki tempo pa nos mes a pone cu nos a subi hopi di peso.
Despues di a ‘struggle’ henter mi bida cu peso di mas, na comienzo di 2009 ta unda mi a jega
mi peso maximo.
Cu 106 kilo mi a dicidi di haci un cambio! Despues di a papia cu un cliente cu a haci un dieta
y a baha den tempo record a pone mi haya gana y forza pa tuma mi bida bek den mi man.
Dia 26 februari 2009 mi a bisa ta basta! Mi a cuminsa cu un VLCD Diet Program.
Den 12 siman mi a logra baha 23 kilo!
Despues mi mester a prepara e curpa pa ricibi cuminda solido bek y drenta den e ultimo fase
cu ta e mantencion!
En total mi a baha 37 kilo sin tin mester di a haci nada drastico na mi curpa, manera un
cirugia.
Awe, despues di dos anja, cu un peso stabiel mi por bisa cu ta posibel pa mantene e peso.
Mantencion ta e jabi!!

Despues di a haya hopi reacion positivo di clientenan y amistades, nos a dicidi di tuma un
responsabilidad mas cual ta representante/consulente.
E meta sigur tras di esaki ta pa juda tur esnan cu tin mesun problema cu nos, cual ta
sobrepeso!
Cu awor mi ta un ‘rolemodel’ pa hopi sigur no ta pornada.
Judando otro pa por crea un persona hopi mas positivo, sigur di nan mes y hopi mas
saludabel ta keda nos meta principal.

Hunto cu mi casa nos a traha e ultimo 6 anja nan aki pa realisa nos sonjo den e forma mas
mihor posibel.
Ami como schoonheidsspecialiste/consulente y mi casa Patrick como managing
director/consulente cu ta zorg pa tur cos ta cana organiza den nos instituto.

Un bonbini di curazon!!
Richelle Beauty Vision
Skin care~,     Weight Loss~     &   Wellness Center
Santa Cruz 111 B ~ ARUBA ~ 5851071 & 5851073
Horarionan di trabou

Dialuna pa Diabierna
9.00am - 1.00pm
2.00pm - 6.00pm

Diasabra
8.00am - 4.00pm

Diadomingo nos ta ser
a